Fillimisht preni kungullin në copa të vogla dhe përdorni për recetën vetëm 1 copë ose 2 maksimumi.

Në një tenxhere të madhe shtoni gjalpin dhe shumë pak vaj ulliri. Skuqni në të për 4-5 minuta, qepën dhe hudhrat. Më pas shtoni patatet e prera, kungullin e prerë, sherebelën, timon, shtoni ujë dhe lërini në zjarr derisa kungulli dhe patatet të ziejnë plotësisht.

Me ndihmën e një blender kuzhine, punojeni supën derisa të formohet një masë homogjene. Vendoseni përsëri në zjarrë dhe rregullojeni supën me kripë dhe piper. Nëse është e nevojshme lëreni edhe disa minuta supën të ziejë për tu trashur.

Ndërkohë bëni gati djathin parmesan. Në një tepsi, ku paraprakishtë keni shtruar një letër kuzhinë, hidhni djathë parmesan në formë rrethore. Sipër tyre hidhni fara kungulli dhe piqeni në 180ᵒC, në furrë të parangrohur, për 3-5 minuta. Më pas nxirrini nga furra dhe lërini derisa të ftohet.

Shërbejeni supën me djathin e pregatitur, ekstra fara kungulli të shtuara dhe nëse dëshironi mund të shtoni croutons ose ajkë. Ju bëftë mirë!