Fillimisht pregatisni të gjithë përbërësit. Ndizni furrën në temperaturë 220ᵒC. Ndërkohë prisni dardhët dhe qepët në formë kubike të vogla.

Në një tigan të thellë, shkrini gjalpin në nxehtësi mesatare. Shtoni më pas qepën, kripë, piperin e zi dhe përzieni gjatë gjithë kohës. Pasi qepët fillojnë dhe zbuten, shtoni dardhën dhe verën e bardhë. Lëreni tiganin në zjarrë për 12 minuta, ose derisa të shikoni që vera ka avulluar e gjitha.

Ndërkohë që keni lënë në zjarr dardhën dhe qepët, preni mishin e derrit në qendër për të krijuar një fileto. Hidhni në sipërfaqe, pak kripë dhe piper të zi.

Më pas vendosni sipër filetos një sasi të madhe të dardhës dhe qepës. Sipër vendosni blue cheese, rozmarinën.

Lidheni fileton me një spango kuzhine.

Në të njëjtin tigan që pregatitët qepën dhe dardhën, shtoni vajin e ullirit dhe lëreni në zjarr të lartë. Kur tigani të nxehet, vendosni në të roston dhe gatuajeni për 2-3 minuta derisa të marri një ngjyrë kafe të lehtë në sipërfaqe. Rrotullojeni roston nga të gjitha anët për tu skuqur.

Më pas vendosni një kapak sipër tiganit dhe futeni roston në furrë të piqet për 12 minuta.
Lëreni roston të pushojë për 5 minuta, më pas mund ta preni. Në moment që e preni mund të largoni dhe spangon.
Ju bëftë mirë!