Paraprakisht, mbushni një tenxhere me ujë, shtoni kripë dhe pak vaj ulliri dhe vendoseni në zjarr të vlojë në nxehtësi të lartë. Kur uji të vlojë shtoni në tenxhere pastat që ju dëshironi.

Ndërkohë që uji ngrohet, pregatisni salcën. Preni në kubik të vegjël qepën, preni hudhrën dhe gjethet e borzilokut.

Vendosni një tigan të thellë në zjarr në nxehtësi mesatare. Shtoni vajin e ullirit dhe kur vaji të jetë nxehur shtoni hudhrën dhe qepët. Përzieni vazhdimisht, derisa të shikoni që qepa fillon të marri një ngjyrë kafe të lehtë.

Shtoni më pas salcën, kripën, piperin e zi, piperin e kuq dhe vazhdoni përzierjen.

Në momentin kur pasta fillon dhe koncentrohet/trashet, uleni nxehtësinë dhe shtoni vodkën. Përzieni.

Në një tas hidhni 2 lugë gjelle nga uji i makaronave dhe përziejini me panën. Shtojeni më pas panën në tigan. Vazhdoni të përzieni derisa përbërësit të kombinohen me njëri tjetrin. Në fund shtoni borzilokun.

Shtoni pastat në salcë dhe shërbejini të ngrohta. Nëse dëshironi mund të shtoni edhe djath Parmesan.
Ju bëftë mirë!