Fillimisht pregatisni karamelin. Në një tenxhere të vogël hidhni sheqerin, ujin, vajin e ullirit, përziejini pak dhe vendoseni në zjarr në temperaturë mesatare. Gjatë kohën që sheqeri është në zjarr nuk duhet ta përzieni. Lëreni sheqerin në zjarr të digjet derisa të marri një ngjyrë kafe. Tregoni kujdes mos e digjni më shumë sec duhet, në të kundërt ëmbëlsira do të marri një shije të hidhur.

Hidheni direkt sheqerin në kupat ku do pregatisni krem karamelin dhe lëreni derisa të ngurtësohet.

Ndizni furrën në 170ᵒC. Ndërkohë vendosni qumështin në zjarr dhe lëreni shumë pak të ngrohet, derisa ta duroni me dorë temperaturën.

Në një tas të madh hidhni vezët dhe përziejini mirë me një tel kuzhine. Shtoni më pas sheqerin, vaniljen, esencën e rumit dhe vazhdoni ti përzieni. Më pas hidhni qumështin dhe përziejini mirë të gjithë përbërësitë.

Hidheni përzierjen në kupat ku ndodhet sheqeri i djegur.

Vendosini kupat në një tepsi të thellë dhe mbusheni tepsinë me ujë t vakët, derisa kupat të mbulohen mbi gjysëm e tyre me ujë. Piqeni krem karamelin në furrën e parangrohur për 40 minuta, ose derisa të vëreni që sipërfaqja e kremit ka marr një ngjyrë kafe të theksuar.

Më pas largojini nga tepsia, lërini fillimisht të ftohet në ambjent dhe më pas vendosini në frigorifer dhe lërini 1-2 orë. Ju bëftë mirë!