Fillojmë me përgatitjen e ëmbëlsirës duke larë mirë mollët dhe duke i prerë në feta. Heqim pjesën në mes dhe më pas i ndajmë fetat në mes. Mollëve sipër i hedhim pak lëng limoni.

Vazhdojmë përgatitjen e brumit për kekun me mollë. Në një enë të bollshme hedhim gjalpin e ftohtë të prerë në copa së bashku me vezet sheqerin, esencën e vaniljes.Vazhdojmë përzierjen me shpejtësi të lartë. Vezët duhet ti hedhim pasi ajo e mëparshmja është përthithur komplet. Me rrahësin elektrik i përziejmë derisa të arrihet një shkumë e bardhë.

Ulim shpejtësinë e mikserit. Vazhdojmë hedhim avash, qumështin së bashku me miellin e situr të përziere më pluhurin për fryrje, arrat, mollet dhe kanellen.

Masën e përftuar e hedhim në një tavë për ëmbëlsira të cilën e kemi lyer më parë pak me gjalpë.

Tavën e vendosim në furrë të para ngrohur ne temperaturën 200°C për të paktën 45 minuta. Nëse preferoni shtojmë sipër pak sheqer pluhur.