Në një mikser hidhni gjalpin, sheqerin, të verdhat e vezëve dhe vaniljen. Filloni përzierjen në shpejtësi mesatare, derisa përzierja të ketë një teksturë të lehtë dhe të butë. Shtoni miellin dhe përziejini me shpejtësi të ulët, derisa brumi të jetë homogjenë. Me brumin, formoni toptha të vegjël me trashësi afërsisht 3cm. Vendosini topthat e formuar në një tepsi, ku paraprakisht keni vendos letër kuzhinë, në largësi nga njëra-tjetra.

Në qendër të topthave, formoni një vrimë me gishta ose me një lugë druri. Më pas vendosini ose në ngrirje për 20 minuta, ose në frigorifer për të paktën 1 orë , ose mund të lihen edhe në frigorifer për gjithë natën. Kjo e fundit rekomandohet më shumë .

Vendosini biskotat të piqen direkt pasi i nxirrni nga frigoriferi, në furrë të parangrohur në temperaturë 190ᵒC për 8-10 minuta. Kur biskotat të dalin nga furra, lërini të ftohen plotësisht. Gjithashtu mund t'ju duhet t'i shtypni përsëri pak në qendër, për të vendos më pas karamelin.

Ndërkohë që biskotat ftohen, pregatisni karamelin. Vendosni në nxehtësi mesatare, një tenxhere të vogël ku keni hedhur gjalpin dhe sheqerin kafë. Përziejini gjatë gjithë kohës derisa të fillojnë të formohen flluska. Në këtë moment, vazhdoni përzierjen edhe për 1 minutë dhe më pas hiqeni nga nxehtësia. Më pas shtoni ngadalë panën dhe përzieni vazhdimisht. Pasi keni përfunduar, lëreni karamelin të ftohet për rreth 15 minuta.

Në fund shtoni në qendër të biskotave, 1 lugë caji nga salca e karamelit. Lëreni 5 minuta dhe më pas shtoni sipër karamelit pak kripë. Enjoy!